ब्रेकिंग

महाराष्ट्र

पुणे-बंगळुरू महामार्गावर खासगी बस उलटली

Samruddhi Dhayagude
27 May 2025

चार प्रवासी जखमी

कोल्हापूर : पुणे-बंगळुरू महामार्गावर अंबप फाटा (ता. हातकणंगले) येथे खासगी ट्रॅव्हल्सची बस उलटून झालेल्या अपघातात चार प्रवासी जखमी झाले. जगदीश पुजारी (वय-४२), उषा पुजारी (३३, सध्या दोघे रा. बिबवेवाडी, पुणे, मूळ रा. केरळ) आणि रतन जयराम अनशन (४०, रा. लोअर परळ, मुंबई) अशी जखमींची नावे आहेत. यासह एक मुलगाही जखमी झाला. सोमवारी सकाळी सातच्या सुमारास हा अपघात घडला.

खासगी बस बंगळुरूहून पुण्याकडे निघाली होती. सकाळी सातच्या सुमारास अंबप फाटा येथे चालकाचे नियंत्रण सुटून बस उलटली. काही अंतर घसरत गेलेली बस मातीच्या ढिगार्‍याजवळ जाऊन थांबली. या अपघातात चार प्रवासी जखमी झाले. जखमींना १०८ रुग्णवाहिकेतून सीपीआरमध्ये दाखल करण्यात आले. अपघातावेळी बसची गती कमी असल्याने जीवितहानी टळली. तीन दिवसांपूर्वीच या परिसरात मेनन पिस्टन कंपनीजवळ खासगी बसने मालमोटारीला धडक दिली होती. त्या अपघातात एक ठार, तर १६ प्रवासी जखमी झाले होते. महामार्ग रूंदीकरणाचे काम सुरू असल्याने अपघातांची संख्या वाढली आहे.